Qatıq və qatıq suyu nələrdən qoruyur?

Qatıq və qatıq suyu nələrdən qoruyur?

Süd və süd məhsuallarının bir çox faydaları ilə yanaşı viruslardan qoruyucu olması da zaman-zaman vurğulanır. Qatıq və digər süd məhsulları həm də təbii antibiotik hesab olunur.

Türkiyədən olan alimlər də apardıqları araşdırmalar zamanı probiotiklər, çoxlu miqdarda mikroorqanizmlərlə zəngin olan qatıq və qatıq suyunun qrip, eləcə də soyuqdəyməyə qarşı qoruyucu olduğunu açıqlayıblar.

Türkiyənin Mustafa Kamal Universitetinin (MKÜ) Tibb Fakültəsinin alimləri qatıqda olan bakteriyaların qrip, digər virsulardan necə qoruduğunu yoxlamaq üçün heyvanlar üzərində araşdırma aparıblar. Məlum olub ki, qatıqda olan bakteriyaları müntəzəm qəbul edən heyvanlarda xəstəliklərdən qoruyucu immunoqlobilinlərin sayı daha yüksəkdir.

Həmin canlıların qrip də daxil olmaqla, yuxarı tənəffüs yolları infeksiyalarına qarşı 10 dəfədən çox dözümlü olduqları məlum olub.

Hesab olunur ki, ən azı 24 saat müddətində mayalanan qatıq və qatıq suyunu istifadə etmək qoruyuculuq baxımından daha yaxşı təsirə malikdir. Bakteriya sayı yüksək olan qatıqla mayalanan və ən azı 24 saat ərzində, hətta turşuyana qədər saxlanılan qatığı yemək daha faydalı sayılır.

 

Bir sözlə, qatığın turşumuş olması onun daha faydaklı bakteriyalarla zəngin olması anlamına gəlir.

Yuxarı tənəffüs yolları infeksiyalarına yol açan viruslar, bakteriyalar tərəfindən törədilən xəstəliklərdən qorunmaq üçün evdə mayalandırılan qatığı hər yemək yeyəndə istifadə etmək, immun sistemini gücləndirmək üçün qatıq suyunu hətta səhərlər uşaqlara içirmək tövsiyə olunur.

Milli.Az

02.02.2020 11:02 | 194 dəfə baxılıb